أشعار حامد زيد ((انتي ولا شي ))

قصيدة أنتي ولا شي لشاعر الرائع حامد زيد


والله وصرتي تستهينين فيني
وانا الذي سويت لك قدر بيدي
تدرين وش كنتي قبل تعرفيني
ان قلت لك: كنتي ولا حاجة.. شوي!
اانا الذي فرشت لك رمش عيني
وعملت منك شي وانتي ولا شي
جيت اعشقك ما جيت لك تحقريني
جيت اسكنك بسمة ما هو با اسكنك غي
ما دمت عاملك قدر.. قدريني
ترى الكرامة صفحة ما لها طي
ان كان ما جيتي غلا.. لا تجيني
نار الفراق ارحم من الذل بالفي
والله لا اهجرك قبل لاتهجريني
اجل تبيعني.. واجي لك برجلي؟
يا تتركين الكبر يا تتركيني
لان المحبة شي.. والمهزلة شي
لاصارت الدعوة غلاي وحنيني
يمكن يزول الحقد ويشعشع الضي
لكن حكاية ينحني لك جبيني
في ذمتي ما ينحني لك وانا حي

مشكور القصيده تينن

الله يااحامد من يوومكـ كبييير
ابداااع >>

ابيات قويه بالقصيده عجبتني ..
والله لا اهجرك قبل لاتهجريني
اجل تبيعني.. واجي لك برجلي؟

************
لكن حكاية ينحني لك جبيني
في ذمتي ما ينحني لك وانا حي


يسلمو يا قطعه سكر ..

يسلمك الرحمن نواتي مصفحتي بطلتك الحلوووووة يا الغلا