.
تخيلوا بس مجرد خيال...ان البنات يخطبون الأولاد!!
غمضوا عيونكم الحين وتخيلوا!!... <<ياذكيه شلون يقرون الموضوع؟؟
المهم,,نبدأ نتخيل.....او شي تخيلوا ياالاولاد انك
تتفاجأ يوم من الأيام وأنت قاعد تقرا كتاب رومنسي وأنواع الأحلام الورديه(ياي),
وسرحان في فارسة أحلامك ..
الا وأمك داخله عليك وتوها جايه من الأستراحه وتقولك:ياولدي ودي أكلمك في موضوع..
ترد أنت وبكل خووف:خير يمه؟؟
تقول أمك : ترى جارتنا أم خالد تبي تخطبك لبنتها,وأنت ماشاءالله كبرت واحلويت وكلن يبيك,ها وش رايك؟؟
ثم تنزل راسك وتلعب باصبعك في شنبك وترد وانت مستحي وخدودك حمرا(هذا اذا كنت محلق اللحيه)....وتقول:الراي رايك والشور شورك يمه...
وتقول أمك:أنا بصراحه ماأشوف في البنت شي....
ماشاءالله عليها محترمه ووظيفتها زينه وراتبها ممتاز ومن عايله محترمه ,ومن البيت للمسجد ومن المسجد للبيت...ولاعندها سوالف السفر والخربطه وماتشرب ولاتدخن ولاتروح لاستراحات البنات....يعني بنت ماعليها.
تقول انت : بس يايمه هي ماشافتني من أول,أنا دايما متلطم بشماغي!!
تقول أمك:هي شافتك وأنت نازل من باص المدرسه..
وسألت عنك قالوا لها خوووش ولد,ماهوب راعي سوق وكوفي شوب ومايطلع الامع امه وأبوه..
وتراها هي وأمها جايين يوم الخميس علشان يشوفونك..
تسأل أنت:طيب يمه أبوي وش رايه؟؟
تقول أمك :أبوك مايدري خليه حايس في المطبخ الله يعينه...
ترد أنت وبكل خجل:اللي تشوفينه يمه...
وتطلع أمك من الغرفه وتنط انت قدام المرايه وتاخذ نص لفه يمين ونص لفه شمال وتشوف جسمك وتمشط شعرك وشنبك بدلع(ياعيني على الدلع,,شكله من جنبه)..
وتقول:آه أخيراّ حست وخطبتني!
وقبل يوم الخميس تروح انت لكوافير رجالي وتكون مسوي حجز وتقعد وتصبغ شعرك (هاي لايت) وتتزين وتطلع زي فلقة القمر.....يعني تهبل..
وتجي البيت وتلبس الثوب اللي فصلته عند المصمم,
فيه فتحه من عند الساق وفتحه في الظهر وسيور وذاك المكياج وذاك العطر اللي يشق الخشم وتنزل للصاله..
ويقول لك ابوك:يالله دخل العصير على خطيبتك ترى أمك ذبحتنا تسأل عنك....
تقول أنت بكل خجل:واي واي يايبه انا أستحي..
ابوك يقولك وهو يطق على كتفك ويضحك ياولد روح لعروسك...
تقول انت:يايبه دايما تحرجني!!
وتاخذ صينية العصير وتدخل المجلس اللي فيه البنت بكل نعومه ورقه وأدب وتقول بصوت ناااااااعم:احم احم ,السسسـ السسـ السلام عليكم (أخيراً طلعت)......
ترد البنت بعد ماوقفت: وعليكم السلام(وهي تناظر فيك من فوق لتحت)..
وتقول لها:تفضلي...
تقول هي:وش الاحلى العصير الاحمر والا الاصفر؟؟
بزعمها تبي تلطف الجو معك..
تقول انت:كله حلو..
تقول هي:أكيد حلو لانك انت اللي مسويه.
وتحط انت الصينيه بسرعه وتبتسم وتروح داخل بسرعه!!
الا اخوانك يستنونك عند الباب ويقولون:ها شلون شكلها ؟؟
تقول انت:واي واي تهبل حلوه ودمها خفيف وذوق اهههههاي
الا أبوك يطلع من المطبخ يزغرت,,,
كللللوووووووووووكللووووووووولكللللووووش مبرووووك ياوليدي..
الا على دخلة اختك االعربجيه من برى وحاطه عبايتها على كتفها وتقول: خير وش فيه؟؟
يقول ابوك:قصري صوتك في وحده خطبت اخوك...
تقول اختك:وهي وين شافته عشان تخطبه؟؟ هاه؟؟؟؟؟.
وتعطيك كف وتصرخ عليك..<<..عجبتني هاللقطه بقووووووووووه..
والله لاوريها الشغل اللي جايه تخطب اخوي !! شباب آخر زمن..<<والله وصرتوا يالبنات تقولونها!!
الا بدخلة امك وتسطر اختك كف وتعصب اختك وتطلع بالسياره وتفحط وتروح لاستراحة البنات<<تخيلوا عاد!!
وتمر الايام وانت تجهز ثوب العرس والكوشه وبيت الزوجيه وخلال هالفتره تمرك زوجتك بالسياره تتمشون وتحاول تقرب منك وتمسك يدك وانت مستحي وتقول :أخاف احد يشوفنا!! (يعني لو مااحد يشوفنا ترى عادي)!!
ويجي يوم العرس وتقعد انت في الكوشه وكل الشباب حولك يرقصون ويغنون على انغام طيران فرقة الشاطئ للرجال وطبعاً مافيه زبيده او صيته او العنود وساره.
وشوي الا العفسه قايمه:ترى العروس جايه,وينطون الشباب كلن يلبس شماغه ويتلطم....
وتدخل العروس مع امها وخواتها (طبعاً خواتها يتميلحون قدام الشباب) وتقعد العروس جنبك وترفع الطرحه(طرحة البسام البصمه خمسه) وتقول لك:الله صاير مثل القمر!!
ثم تلف وجهك وانت مستحي ويتم الزواج ......
زمرت شهووور
وتتهاوشون احياناً انت وزوجتك
وتاخذ شماغك وعيالك (لو أنا مكانه ماآخذ عيالي اخليهم عنده يزعجونه عشان تتوهق بهم )وتروح لبيت أهلك ..
وتصلح امك مابينكم وترجع الحياة مثل أول وأحلى........
.
كااااااااااااااااااااااك جاااان زيييين صج واااي وناااسه
انا شريره هههههه